XA ESTAMOS AQUÍ.

Ola a todos!

Comeza unha nova andaina para todos aqueles que queiran "sacar a lingua a pacer".

Quen somos e que facemos?

Somos o Equipo de Dinamización da Lingua Galega do CEIP Eusebio da Guarda.

Este equipo está composto por un grupo de mestres co fin de fomentar o uso e coñecemento da lingua galega a toda a comunidade educativa do noso centro a través de diferentes actividades.

Por que?

• Porque temos unha lingua propia.
• Porque é a lingua de todos.
• Porque queremos falar na nosa lingua con normalidade en calquera contexto.
• Porque valoramos o que temos.
• Porque valoramos a tradición.
• Porque aprender galego é saber máis.
• Porque queremos que se poida escoller.

Traballaremos con todos e para todos:

1. O alumnado é o futuro da nosa lingua.
2. O profesorado axuda na promoción do galego.
3. As familias son as portadoras do legado lingüístico do pasado e do futuro.

ESTAMOS NA PROCURA DE QUE FALAR GALEGO SEXA NORMAL!